DaLí GALLERY

starfsemi er lokið í DaLí gallery

2011-07-21T05:49:00.006-06:00

DaLí Gallery samstarfsverkefni okkar Dagrúnar og Línu er lokið. Síðustu sýningar voru 2010 og nú 2011 erum við fluttar á nýjar vinnustofur.
Sigurlín M. Grétarsdóttir (Lína) er að flytja til Noregs og Dagrún Matthíasdóttir er flutt í Listagilið og er þar bæði með vinnustofu og rekur Mjólkurbúðina sem er sýningarsalur í Listagilinu hér á Akureyri.
Við stöllur erum mjög þakklátar fyrir allt það góða og skemmtilega starf sem var í DaLí Gallery allt frá 2006 og hugsum hlýlega til alls þess góða fólks sem átti leið um í DaLí Gallery, góðra vina, listamanna, gesta og allra þeirra sem glæddu staðinn okkar lífi og gáfu starfsseminni lit.
kær kveðja og þakklæti
Da og Lí
Dagrún og Lína :)

opin vinnustofa á degi myndlistar

2010-09-14T06:26:00.003-06:00

DaLí vinnustofa verður opin kl.14-17 á degi myndlistar 2. oktober. Dagrún og Lína bjóða gesti velkomna að kíkja við og bera vinnustofuna augum ásamt góðu spjalli.
Allir velkomnir og heitt á könnunni.

Dagrún og Lína í DaLí Gallery

2010-09-14T06:22:00.003-06:00

Yfirstandandi er samsýning Dagrúnar Matthíasdóttur og Sigurlínar M. Grétarsdóttur í DaLí Gallery á olíumálverkum. Ekki er opið á hefðbundnum tímum heldur er aðeins um svokallaða gluggasýningu að ræða. Dagrún og Lína er með vinnustofu í sama húsnæði DaLí vinnustofu og nýta rýmið til upphenginga á eigin verkum milli sýninga annarra listamanna.

Margrét Buhl opnar sýningu í DaLí Gallery

2010-01-06T13:22:00.003-07:00

Laugardaginn 9. janúar opnar Margrét Buhl sýningu í DaLí Gallery kl.14-17.

Myndlistakonan Margrét Buhl vinnur innsetningu í salinn og er umfjöllunarefnið minningar, tímabil og tónlistatengsl með persónulegri nálgun hennar sjálfrar. Margrét er útskrifuð frá Myndlistaskólanum á Akureyri og er þetta fyrsta einkasýning listakonunnar.

Sýningin stendur til 24. janúar.

Jana María Guðmundsdóttir opnar í KOM INN

2010-01-06T13:11:00.005-07:00

Jana María Guðmundsdóttir opnar sýningu laugardaginn 9.janúar í litla rýminu KOM INN á DaLí vinnustofu, kl.14-17.
Jönu Maríu er margt til lista lagt og tók þeirri áskorun að vinna verk í KOM INN sem er eitt minnsta sýningarrými landsins. Verkið er innsetning þar sem listakonan leikur sér með upplifanir skynfæranna og andlega næringu. Jana María lauk fornámi í Myndlistaskólanum í Reykjavík, burtfararprófi í einsöng í Söngskóla Reykjavíkur og BA í leiklist við Konunglega Listaháskólann í Skotlandi, Royal Schottish Academy of Music and Drama og er nú fastráðin leikkona í Leikfélagi Akureyrar.

Sýningin Dísir framlengd

2009-11-10T14:44:00.003-07:00

Dísir - Sýning Hrefnu Harðardóttur í DaLí Gallery verður framlengd til 15.
nóvember. Hrefna tekur á móti gestum í DaLí Gallery síðasta
sýningardaginn.
Allir velkomnir

DaLí Gallery
Brekkugata 9- Akureyri
Opið laugardaga og sunnudaga kl. 14-17

Hrefna Harðardóttir og Dísir í DaLí Gallery

2009-10-22T12:46:00.002-06:00

Hrefna Harðardóttir opnar sýninguna DÍSIR fyrsta vetrardag laugardaginn 24. október kl. 14-17.

Undanfarin ár hefur Hrefna verið að móta í leir, myndir af fornum gyðjumog þannig reynt að skilja formæður sínar og heiðra kvenmenningararfinn,því sagt er; án fortíðar er engin framtíð. Að þessu sinni hefur hún valið að ljósmynda þrettán dásamlegar nútímakonurog gert þær að táknmyndum DÍSA. Með því vill hún sýna hvað konur getaverið fagrar, flottar, duglegar og klárar og hve máttur þeirra er mikill. Menn kvöddu sumar og heilsuðu vetri með blóti, bæði til goða og vætta ogekki síst dísa og þannig kveður hún sumar og heilsar vetri á fyrstavetrardegi árið 2009.

Sýningin stendur til 8. nóvember og er opin laugardaga og sunnudaga kl.14-17.

Save us! - Bjargið Okkur!

2009-09-23T04:53:00.004-06:00

Friðlaugur Jónsson opnar sýninguna Save us!-Bjargið okkur! - laugardaginn 26.september kl.14-17. Friðlaugur er grafískur hönnuður og sýnir stafræn málverk og leturverk sem hann vann sérstaklega fyrir þessa fyrstu einkasýningu sína í DaLí Gallery.

Sýningin stendur til 11. október og eru allir velkomnir.

Mireyja, Vættir og Amboð í DaLí Gallery

2009-09-04T18:10:00.003-06:00

Mireya Samper opnar myndlistasýninguna Vættir í DaLí Gallery á Akureyri laugadaginn 5. September kl.14-17.
Sýning Mireyu samanstendur af skúlptúr og myndverkum unnum með blandaðri tækni og eru öll verkin ný og sérstaklega unnin fyrir sýninguna Vættir. Mireya fjallar um íslenska vætti og verur á sýningunni en með þeim leynist einn japanskur shaman.

Mireya tekur einnig þeirri áskorun að vinna inn í litla rýmið KOM INN á vinnustofu DaLí og sýnir þar innsetninguna Amboð.

Sýningarnar Vættir og Amboð standa til 20. september og eru allir velkomnir

Akureyrarvaka á DaLí

2009-08-24T13:41:00.002-06:00

Á Akureyrarvöku verður líflegt á DaLí Gallery og á vinnustofu DaLí. Það er opið gestum Akureyrarvöku kl. 14-17 og svo aftur um kvöldið frá kl.20-00.

Dagskrá Akureyrarvöku á DaLí:

Edda Þórey Kristfinnsdóttir og sýning hennar Vistaskipti. Síðustu forvöð og lokadagur sýningarinnar.

Steinn Kristjánsson verður með málverkasýningu í litla galleríinu KOM INN sem er litla rýmið á vinnustofu DaLí.

DaLíurnar pakka inn saumavél á súrrealíska vísu og verður heitt kakó í boði fyrir gesti gallerísins og sköpunarveggur þar sem má tjá sig á listrænan hátt.

Allir velkomnir.

Edda Þórey Kristfinnsdóttir og Vistaskipti

2009-08-12T09:57:00.008-06:00

Edda Þórey Kristfinnsdóttir opnar myndlistasýninguna Vistaskipti í DaLí Gallery á Akureyri, laugardaginn 15. Ágúst kl. 15-17. Sýning Eddu Þóreyjar Vistaskipti fjallar um hið eilífa ferðalag okkar mannfólksins, vist á ólíkum stöðum og mismunandi áhrif umhverfis þeirra.

Sýningin stendur fram yfir Akureyrarvöku, menningarhátíð Akureyrarbæjar, til 29. ágúst. Opið laugardaga og sunnudaga k.14-17 og á Akureyrarvöku 14-17 og 20-00.

Allir velkomnir

Já
Mitt í hamingjunni
Blikka viðvörunarljós
Óreiða, skelfing , hrun
Gulir, rauðir, grænir, bláir
Englar himins gráta
Já
Mitt í hamingjunni

Dagrún í DaLí

2009-07-08T17:28:00.005-06:00

Dagrún Matthíasdóttir opnar sýninguna TRÉ í DaLí Gallery laugardaginn 11. júlí kl. Þar vinnur Dagrún í rými gallerísins og gerir tréð að umfjöllunarefni. Merking trés getur verið mjög fjölbreytt og táknmyndir þess margar og er sú tálsýn að peningar vaxi á trjánum mjög heillandi.
Dagrún Matthíasdóttir er útskrifuð frá Myndlistaskólanum á Akureyri og er í námi við Háskólann á Akureyri í Nútímafræði og kennslufræðum til réttinda. Hún er annar eigandi DaLí Gallery og er félagi í samsýningarhópnum Grálist og Myndlistafélaginu.
Sýningin í DaLí Gallery stendur til 19. júlí.
http://www.dagrunmatt.blogspot.com/
http://www.gralist.wordpress.com/

Sýningin stendur til 19. júlí og eru allir velkomnir.

Lína sýnir Tilbrigði

2009-06-10T16:20:00.002-06:00

Sigurlín M. Grétarsdóttir ( Lína ) opnar sýningu 13.júní kl.14-17 í DaLí Gallery. Sýningin ber yfirskriftina " Tilbrigði - Variations "
Lína notar blandaða tækni í verkunum, aðferð sem hún hefur verið að þróa í rúm 2 ár og notar hún acryl, lakk, pappír, hrosshár og fleira.
Þennan sama dag útskrifast Lína frá Háskólanum á Akureyri úrkennsluréttindarnámi.

Sýningin stendur til 28. júní.

Sigrún Guðjónsdóttir - Rúna opnar 16. maí

2009-05-09T18:01:00.004-06:00

Sigrún Guðjónsdóttir - Rúna opnar myndlistasýningu í DaLí Gallery laugardaginn 16. maí kl.14-17.

Rúna á langan listferil að baki og hefur starfað í listum allt frá 1950 til dagsins í dag. Rúna hefur sýnt víða bæði í samsýningum og einkasýningum og er einn af frumkvöðlum íslenskar leirlistar ásamt manni sínum Gesti Þorgrímssyni (1920-2003), og er heiðursfélagi Leirlistafélagsins. Árið 2005 hlaut hún titilinn heiðurslistamaður Hafnarfjarðar.Meðal starfa á sviði myndlistar var Rúna fyrsti formaður SÍM, Sambands íslenskra myndlistamanna, og sinnti formennsku FÍM, Félagi íslenskra myndlistamanna. Auk þess sat hún í stjórn Norræna myndlistafélagsins og Norrænu listamiðstöðvarinnar á Sveaborg í Finnlandi. Rúna sýnir nýleg verk í DaLí Gallery. Hún sýnir meðal annarra myndverka flísamálverk sem hún er þekkt fyrir og þjóðhátíðarplattarnir verða með í för.

Sýning Rúnu - Sigrúnar Guðjónsdóttur er til 6. júní og eru allir velkomnir.

Allir eru velkomnir

GÓMS í DaLí Gallery

2009-03-11T03:19:00.003-06:00

Laugardaginn 14. mars kl. 14-17 opna Margeir Dire S. og Georg Óskar sýninguna GÓMS í DaLí Gallery.

GÓMS eru sameiginlega unnin verk þeirra félaga unnin með blandaðri tækni. Hugmyndin að verkunum þeirra fæddist einhvern vegin svona:

"Skari!! verðum við ekki að fara gera eitthvað sjitt!
jú klárlega, hvað ertu eigilega að spá?
Bara eitthvað rúst!"

Þetta voru fyrstu orð samvinnu Georg Óskars og Margeirs Sigurðssonar,
verkin eru unnin á 6 mánaðar tímabili og binda þeir saman sýna ólíku
stíla og sitt svipaða hugarástand í myndlistina GÓMS.

Graffiti? já er það ekki?
Acrýll? já er það ekki?
málverk? já eigum við ekki að segja það?
penni? eeee...kúlupenni þá?
túss? já ég meina?
bílasprautun? já til sprauta bílinn í myndinni þá?

Sýningin stendur til 29. mars og eru allir velkomnir.

Sæunn Þorsteinsdóttir og Veggskraut í DaLí

2009-02-05T14:04:00.006-07:00

Sæunn Þorsteinsdóttir opnar myndlistasýninguna Veggskraut í DaLí Gallery laugardaginn 14. febrúar kl. 14-17.

Sæunn vinnur með hringformið sem er henni hugleikið og hefur gamalt íslenskt munstur oft veitt henni innblástur auk þess sem hún reynir að fanga munstur kviksjár. Litagleði og síbreytileg munstur kviksjánnar eru kveikjan að þessari sýningu Sæunnar þar sem hún leikur sér að því að fanga kviksjá hugar síns. Myndirnar eru unnar á við með blandaðri tækni, túss, vatnslitum, akrýllitum og lakki.

Sýning Sæunnar stendur til 1. mars og eru allir velkomnir.

Anna Gunnarsdóttir og Sjávarföll í DaLí Gallery

2009-01-13T12:41:00.006-07:00

Anna Gunnarsdóttir bæjarlistamaður Akureyrarbæjar opnar sýninguna Sjávarföll í DaLí Gallery föstudaginn 16. janúar kl. 17-19.
Verkin eru unnin út frá gamalli tækni sem notuð var við körfugerð hjá frumbyggjum ameríku og einnig í Malasíu. Verkin eru vafin með þráðum í einskonar vöndul sem er síðan formaður í hring. Kraftur verkanna líkir eftir þeirri orku er myndast hringin í kringum landið við sjávarföll.
Anna hefur tekið þátt í fjölda sýninga hér heima og erlendis og fengiðviðurkenningar fyrir verk sín.
Sýning Önnu Gunnarsdóttur Sjávarföll stendur til 1. febrúar og eru allir velkomnir.

Gleðilegt og farsælt komandi ár

2008-12-31T08:27:00.006-07:00

Gleðilega hátíð og okkar bestu óskir um gleði og gæfu á nýju ári. Við þökkum öllum listamönnum, gestum gallerísins, vinum og aðstoðarfólki okkar fyrir gott og skemmtilegt samstarf á árinu sem er að líða.

Með þökk fyrir vandaðar sýningar og gleðistundir í DaLí Gallery

Dagrún og Lína í DaLí Gallery

Næsta sýningaropnun er föstudagskvöldið 16. janúar 2009. Bæjarlistamaðurinn Anna Gunnarsdóttir setur upp glæný textíllistaverk og eru allir velkomnir.

Sýning Ásu framlengd og DaLí vinnustofa opin 13.-14.des

2008-12-04T09:36:00.007-07:00

Sýning Ásu Óla ,,Samansafn" verður framlengd til 7. desember í DaLí Gallery, Brekkugötu 9.

DaLí vinnustofa verður opin helgina 13.-14. desember kl.14-17 og verða dalíurnar á staðnum.
Á vinnustofunni má sjá verk eftir Dagrúnu Matthíasdóttur, Sigurlín M. Grétarsdóttur-Línu, Ingu Björk Harðardóttur og Hrafnhildi Ýr Vilbertsdóttur -Krummu.
Svo má líta við í kreppuhillunni svokölluðu þar sem hægt er að fá myndlist á sanngjörnu verði.

Heitt á könnunni og allir velkomnir.

Ása Óla og Samansafn í DaLí Gallery

2008-11-11T08:37:00.004-07:00

Ása óla opnar myndlistasýninguna Samansafn í DaLí Gallery laugardaginn 15.nóvember kl. 14-17.Þetta er þriðja einkasýning Ásu og sýnir hún teikningar og málverk frá fyrri sýningum auk nýrra verka sem hafa þróast út frá þeim. Myndirnar eru af verum, púkum, gyðjum og geishum sem vísa til sjálfsmyndar listakonunnar. Ása Óla útskrifaðist frá Myndlistaskólanum á Akureyri vorið 2007 og er félagi í samsýningarhópnum Grálist.
Sýning Ásu stendur til 30. nóvember.
Allir velkomnir

Ólafur Sveinsson og Trausti Dagsson

2008-10-15T17:30:00.003-06:00

Ólafur Sveinsson og Trausti Dagsson opna sýninguna Farvegir laugardaginn 18. október kl. 14-17 í DaLí Gallery á Akureyri.
Leið vatns frá upptökum til ósa. Leið manns frá legi til moldar.
Allt ferli sýningarinnar sem slíkrar er farvegur. Frá hugmynd til full unnina verka sem kvíslast yfir í aðra farvegi og leiðir til annarra ósa.
Á sýningunni eru stafrænar ljósmyndir eftir Trausta Dagsson og hliðrænar blýantsteikningar eftir Ólaf Sveinsson. Verkin eru unnin á síðastliðnum þremur árum og hafa öll tilvísun í hlutbundna hversdagslega farvegi.

Sýningin stendur til 1. nóvember

Allir velkomnir

Kristinn Már og Gæðaplánetan X

2008-09-14T04:36:00.005-06:00

Kristinn Már Pálmason opnar sýninguna Gæðaplánetan X í DaLí Gallery laugardaginn 20. september kl. 14-17. Sýningin Gæðaplánetan X samanstendur af nýrri sex málverka seríu. Verkin eru unnin með olíu á þykkan birkikrossvið.

Í G.P.X. sækir Kristinn M.P. innblástur í pólitík og merkingarfræði, tímahugtakið og áberandi fortíðardýrkun samtímans (retro) sem endurspeglast svo skemmtilega í nostalgískri hönnun armbandsúra vorra daga en listamaðurinn safnar sjálfur úrum af töluverðri ástríðu. Ástríða fyrir fylgihlutum, þrá eftir meiri gæðum og völdum sem og þráin sjálf (þráhyggja og ást) eru undirtónn sýningarinnar en myndmál verkanna er þó margrætt og opið til túlkunar.
Sýningin er til 5. október.

Baltasar og Kristjana Samper

2008-08-25T12:34:00.007-06:00

Listamennirnir og hjónin Kristjana Samper og Baltasar Samper opna samsýningu í Dalí Gallery laugardaginn 30. ágúst kl. 17 á Akureyrarvöku, afmælishátíð Akureyrar.
Á sýningunni verða sýnd málverk eftir Baltasar sem unnin eru upp úr goðafræði, sértaklega Eddukvæðum og skúlptúrar eftir Kristjönu sem vísa til fornrar trúar.
Sýningin stendur til 14. september og eru allir velkomnir.

Lína sýnir það sem augað ekki greinir

2008-08-05T06:53:00.003-06:00

Sigurlín M. Grétarsdóttir opnar myndlistasýninguna ,, Það sem augað ekki greinir" föstudaginn 8. ágúst kl. 17-20 í DaLí Gallery.

Lína dregur fram fegurðina í því sem við sjáum í hversdagsleikanum en augað greinir ekki vegna smæðar sinnar og setur það fram í olíumálverkum sínum svo allir getið notið.

Sýningin stendur til 24. ágúst

Anna Mields

2008-07-16T11:06:00.003-06:00

Þýska listakonan Anna Mields opnar myndlistasýningu í DaLí Gallery laugardaginn 19.júlí kl. 17.

Anna Mields dvelst nú á gestavinnustofu Gilfélagsins og er þekkt fyrir að vinna út frá hefðbundnu kyrralífi og fetisma. Í DaLí Gallery fjallar hún um hina ímynduðu fertugu konu Sibille Scmidt frá A -Þýskalandi, tilfinningalíf hennar og sterialtýpu síns tíma.

DaLí gallery er opið laugardaga og sunnudaga kl.14-17 meðan sýningar standa yfir. Sýning Önnu Mields er til 31. júlí.

GLORÍA - Jóna Hlíf Halldórsdóttir og Huginn Arason

2008-06-18T13:57:00.005-06:00

Laugardaginn 21. júní kl.17 opna myndlistamennirnir Jóna Hlíf Halldórsdóttir og Huginn Arason sýninguna GLORÍA í DaLí Gallery.
Á sýningunni verður gestum boðið upp á skegg og heitt kakó.
Á sýninguni verða textaverk sem hafa birst í tilkynningum í Fréttablaðinu síðan 11. júní.
Dominos aðstoðar listamennina og hefur hjálpað þeim að baka stærsta Dalí baquette á Íslandi og kannski víðar.
Sannkölluð orgía veisla - allir velkomnir

lengi lifi Dalí Dalí lifir

Sýningin stendur til 6. júlí

Seby Ciurcina - AM I A GOOD PERSON?

2008-05-28T02:21:00.002-06:00

Seby Ciurcina Opnar myndlistasýninguna ,, am I a good person?" þriðjudaginn 3. júní kl. 20. Myndlistamaðurinn Seby er frá Sikiley en býr og starfar í Berlin. Hann hefur komið víða við í listgreinum og er einnig tónlistamaður og fengist við leiklist. Seby verður á landinu tvær fyrstu vikurnar í júní og notar tækifærið og sýnir verk sín í DaLí Gallery á Akureyri meðan dvöl hans stendur.

Um myndlistamannin Seby:

Þótt Seby Ciurcina umbreyti sýningarsölum sínum með einum eða fleirum stórum máluðum hlutum (bílum, vængjum (eða flyglum), grímum), þá hafa andlitsmyndir hans sem festar hafa verið á veggina tvöföld áhrif: annars vegar lýsa þær persónulegu sambandi málarans við þá manneskju sem máluð er, eða tengslum milli hinnar máluðu manneskju og gesta sýningarinnar – hins vegar margfalda þær tengslin, sjónarhornið og þar með efni sýningarinnar, þar sem þær á svo lifandi hátt virða fyrir sér gestinn sem stendur andspænis þeim. (þýðing H.K. úr texta Adelina Rosenstein)

Sýningin stendur til 14. júní og eru allir velkomnir.

Inga Björk Harðardóttir sýnir Brýr

2008-05-15T04:59:00.003-06:00

Inga Björk Harðardóttir opnar myndlistasýninguna Brýr í Dalí Gallery föstudaginn 16. maí kl. 17-19. Inga sýnir stórar landslagsmyndir málaðar með olíulitum. Myndirnar eru hluti af útskriftaverki Ingu Bjarkar frá Myndlistaskólanum á Akureyri. Sýningin stendur til 31. maí

Inga Björk um verk sín:
Brýr eru táknrænar og á lífsleiðinni förum við yfir margar slíkar. Frá bernsku til fullorðinsára verða á vegi okkar hindranir og erfiðleikar sem við verðum að yfirstíga – þær brýr eins og hinar raunverulegu eru mislangar og misgreiðar yfirferðar.

Mér þykja gamlar brýr sérstaklega fallegar. Bogalínur og fallegar steinhleðslur skapa skemmtilegt samspil ljóss pg skugga, svo eru gömlu brýrnar smám saman að hverfa, þær molna og gróðurinn flæðir yfir.

Starfsdeild VMA vinnur í KOM INN

2008-05-03T04:41:00.004-06:00

Listamennirnir 13 af starfsdeild VMA tóku þeirr áskorun að vinna í KOM INN á vinnustofu DaLí um leið og þau settu upp sýningu sína í sýningarrými DaLí. Eins og oft áður þá kemur KOM INN á óvart og verður spennandi að sjá viðbrögð sýningargesta við þessari nýju túlkun í rýminu KOM INN. Sýningin í KOM INN opnar í dag kl.14 og stendur til 11. maí.

List án landamæra Starfsdeild VMA

2008-04-30T11:17:00.008-06:00

Samsýning 13 listamanna af Starfsdeild Verkmenntaskólans á Akureyri í nafni Listar án landamæra opnar laugardaginn 3.maí kl.15-17.

Á sýningunni má sjá málverk, teikningar, skúlptúr, myndbandsverk, textíl og skartgripi sem er afrakstur listafólksins á vorönn 2008.

Listamennirnir eru:

Andri Már Lýðsson
Baldvin Steinn Torfason
Dagrún Finnsdóttir
Bára Ásbjörnsdóttir
Hafþór Ægir Guðmundsson
María Einarsdóttir
Rósa Ösp Traustadóttir
Sigrún Björk Friðriksdóttir
Sigrún Ísleifsdóttir
Sindri Thorlacius
Þórunn Ósk Guðjónsdóttir
Marteinn Ingibjörnsson
Vilhjálmur Georg Árnason

Jóhannes Dagsson sýnir ,,stöðumyndir"

2008-04-07T16:28:00.001-06:00

Efnivið sinn sækir Jóhannes í tvö af fyrirferðarmeiri menningarfyrirbærum liðinnar aldar, modernisma og fótbolta. Stöðumyndir er ellefta einkasýning Jóhannesar og á hann einnig að baki þátttöku í fjölmörgum samsýningum.

Jóhannes lauk myndlistanámi frá Myndlistaskólanum á Akureyri 1997 og námi í heimsspeki og bókmenntum frá Háskóla Íslands 2000. Síðan lá leið hans til Skotlands til listnáms í Edinburgh College of Art sem hann lauk árið 2002, en í dag stundar hann meistaranám í heimspeki við Háskóla Íslands.

Jóhannes fagnar nú tíu ára sýningarafmæli á þessu ári en í apríl fyrir 10 árum hóf hann sýningarferil sinn á samsýningunni ,,Konur" í Safnahúsinu á Húsavík .

Sýningin ,,Stöðumyndir stendur til 27. apríl í DaLí Gallery á Akureyri og er sýningin opin föstudaga og laugardaga kl. 14-17 og eftir samkomulagi.

Þura kynnir bókina STÓÐ

2008-03-14T06:40:00.002-06:00

Í tengslum við opnun myndlistasýningar Þuríðar Sigurðardóttur ,,STÓÐ" í DaLí Gallery laugardaginn 15. mars, kynnir myndlistakonan bók sína STÓÐ.

Bókin STÓÐ inniheldur myndir af málverkum Þuríðar auk skrifa Markúsar Þórs Andréssonar - nærsýni. Þar fjallar hann á skemmtilegan hátt um list Þuru og nálgun hennar á viðfansefnið, myndröðina STÓÐ. Bókin er gefin út af Þuríði Sigurðardóttir. Um prentun sáu Prentmet og hönnun Bjarki Pétursson.

Afar vönduð og áhugaverð bók sem ferðast beint út prentun til Akureyrar, til kynningar á morgun í DaLí Gallery.

Þuríður Sigurðardóttir sýnir ,,Stóð"

2008-03-10T10:37:00.006-06:00

Þuríður Sigurðardóttir, Þura, kynnir málverkaröðina “STÓÐ” í DaLí Gallery á Akureyri, laugardaginn 15. mars kl. 17-19.

Viðfangsefni á sýningunni er íslenski hesturinn og býður listamaðurinn áhorfandanum að taka þátt í rannsókn sinni á tengslum manns og dýrs í gegnum upplifun lita og áferðar feldsins.
Með því að höfða til löngunarinnar til að klappa mjúkum dýrum verða málverkin nánast ómótstæðileg og um leið koma fram spurningar um málverkið sem miðil. Þaulunnin og tímafrek kallast þau á við listasöguna og vega salt milli hins fígúratífa og abstrakt.
Um leið og Þura vinnur með upplifun áhorfenda í sýningarrýminu skoðar hún líka eigin upplifun úti í náttúrunni í hestamennsku.

"Þetta er ekkert venjulegt stóð sem ég kem með norður! Ef fólk á von á málverkum með hestum, sem koma vaðandi á móti áhorfandanum eða settlegum töltara með knapa á baki í fallegu landslagi, valið með tilliti til ættbókar hestsins verða þetta tóm vonbrigði! Hesturinn hefur mjög sterka hefð í myndlist og er gjarnan sýndur sem tákn um styrk. Hann birtist oft í íslenskum myndverkum sem þarfasti þjónninn, sem hluti af landslagi, tákn fyrir sveitasælu og hinn frjálsa íslending. Mig langar hins vegar að fara aðra leið til að túlka þessa dásamlegu skepnu sem hesturinn er og finnst ekki ástæða til að leita í hefðina".

Þura útskrifaðist úr Listaháskóla Íslands 2001 og lagði m.a. stund á íkonamálun og íkonafræði hjá rússneska prófessornum Yuri Bobrov. Hún hefur starfað víða að myndlist og á að auki glæstan tónlistaferil. Þura hefur haldið fjölda einka -og samsýninga bæði innanlands og utan og hefur unnið að ýmsum verkefnum myndlistar. Hún er einn af stofnendum START ART listamannahúss á Laugarveginum, er einn hugmyndasmiða og umsjónarmanna Opna Gallerísins sem sýndi víða í 101 Reykjavík og kennir við Myndlistaskólann í Reykjavík og Mosfellsbæ. Þura situr í stjórn SÍM og hefur gegnt þar varaformennsku.

Sýningin ,,Stóð" stendur til 5. apríl í DaLí Gallery.

Dagrún Matthíasdóttir og ,,Lífið er saltfiskur"

2008-01-15T17:37:00.000-07:00

Dagrún Matthíasdóttir opnar sýninguna ,,Lífið er saltfiskur" bæði í DaLí Gallery og á Veggverk laugardaginn 19. janúar. Veggir galleríana kallast á í miðbæ Akureyrar þar sem Dagrún vinnur verkið fyrst á veggverk og yfirfærir svo yfir í DaLí Gallery þar sem formleg opnun á verkunum fer fram kl. 17. Sýningin stendur til 8. febrúar og eru allir velkomnir.

Grálist með smálist

2007-12-03T11:04:00.000-07:00

Grálist með smálist er samsýning í DaLí Gallery í desember. Grálista-hópurinn verður með smálistagjörning á myndbandi. Ekkert smáverk verður stærra en 20×20 cm og má þar líta smálistasafn Grálista-hópsins. Opnun verður laugardaginn 8. desember og er opið kl. 14-17 og alla föstudaga og laugardaga fram að jólum.

Karen Dúa sýnir ,,klippimynd"

2007-11-06T14:47:00.000-07:00

Karen Dúa Kristjánsdóttir opnar sýninguna ,,Klippimynd" í DaLí Gallery laugardaginn 10. nóvember kl. 17. Verk Karenar Dúu er eins og titillinn segir, tilraun með klippimynd á vegg.

Karen Dúa er fædd á Akureyri árið 1982. Hún tók stúdentspróf við Menntaskólann á Akureyri árið 2002 og lauk myndlistarnámi frá fagurlistadeild Myndlistaskólans á Akureyri vorið 2006. Karen Dúa rekur Gallery BOX ásamt fleirum og er vinnustofa hennar staðsett þar á sama stað. Hún hefur tekið þátt í nokkrum samsýningum en sýningin klippimynd í DaLí gallery er þriðja einkasýning hennar að námi loknu. Hún er einnig með sýningu á Veggverk á sama tíma og ættu sýningargestir að rölta þangað og virða fyrir sér verk hennar þar í leiðinni.

Sýning Karenar Dúu í DaLí Gallery stendur til 25. nóvember.

Hlynur Hallsson sýnir ÞETTA - DAS - THIS

2007-09-17T11:52:00.000-06:00

Hlynur Hallsson opnar sýninguna ÞETTA - DAS - THIS föstudaginn 21. september klukkan 17-19.
Sýningin samanstendur af spreyji á vegg, myndbandi, stórri ljósmynd með texta, litakúlum og minni textamyndum sem gestir geta tekið með sér.
Litakúlurnar koma frá sýningu sem Hlynur setti upp á Bókasafni Háskólans á Akureyri 2005 en myndbandið er frá þvi í sumar og hægt að sjá það nú þegar á netinu á http://youtube.com/watch?v=Hr7dcL6mp3U
Hlynur hefur verið að vinna með textamyndirnar síðustu ár og nú er væntanleg bók með öllum myndunum. Á sýningunni í DaLí Gallery þekur ein myndin heilan vegg en tvær aðrar eru í stöflum á gólfinu og geta gestir tekið með sér eintak. Hlynur var bæjarlistamaður Akureyrar árið 2005 og gefur nú Akureyringum og öðrum sýningargestum myndir sem hægt er að hengja upp í til dæmis í eldhúsinu eða svefnherberginu. Textinn sem Hlynur spreyjar á vegginn í sýningarrýminu er splúnkunýr. Sýningin í DaLí Gallery stendur til 11. október 2007 en þann dag opnar Hlynur sýningu hjá EON í München.

Sunna Sigfríðardóttir sýnir Glansmyndir af vegg

2007-08-29T14:05:00.000-06:00

Myndlistakonan Sunna Sigfríðardóttir opnar sýninguna ,,Glansmyndir af vegg" laugardaginn 1. september kl.17. Sunna er Akureyringur og lærði í Myndlistaskólanum á Akureyri, og er nemi í listfræðum og heimspeki við Háskóla Íslands í dag. Sýningin stendur til 20. september.

Margeir Dire ,,graffar" á Dalí Gallery

2007-08-24T11:09:00.001-06:00

Myndlistamaðurinn Margeir Dire Sigurðsson spreyjar á DaLí Gallery í tilefni Akureyrarvöku. Margeir vinnur verk á veggin við dyr gallerísins og verður áhugavert að sjá hvað hann töfrar á vegginn.

Steini með ,,Fiskisögur" í KOM-INN á Akureyrarvöku

2007-08-16T11:46:00.001-06:00

Myndlistamaðurinn Þorsteinn Gíslason, Steini opnar sýningu í KOM-INN á DaLí vinnustofu laugardagskvöldið 25. ágúst klukkan 20. Steini afhjúpar þar og sýnir listaverk sitt ,,Fiskisögur" í litla rýminu KOM-INN, sem ætíð kemur á óvart.

,,Stóll á mann" á Akureyrarvöku

2007-08-16T11:06:00.000-06:00

Í tengslum við Akureyrarvöku opnar sýningin ,,Stóll á mann" fimmtudagskvöldið 23. ágúst klukkan 20 í DaLí Gallery. Þetta er samsýning í umsjá Ragnhildar Ragnarsdóttur og Sigrúnar Sigvaldadóttur sem báðar er grafískir hönnuðir og hugmyndasmiðir verkefnisins. Samsýningin samanstendur af 30 stólum unnum af ýmsum aðilum sem fengu úthlutað einum stól á mann til hönnunar og listtúlkunar, hver á sinn hátt. Stólarnir hafa ferðast víða á sýningar og er endastöð ferðalags þeirra í Dalí Gallery og fer hver stóll heim til sín að sýningu lokinni.
Listafólk og hönnuðir stólanna eru: Helga Helgadóttir kennari, Grímur Bjarnason, ljósmyndari og Bjarni Grímsson ljósmyndari, Halla Sólveig Þorgeirsdóttir teiknari, Birgir Snæbjörn Birgisson myndlistarmaður, Rósa Helgadóttir myndlistarmaður, Helgi Þorgils Friðþjófsson myndlistarmaður, Tolli myndlistarmaður, Halla Helgadóttir grafískur hönnuður, Guðmundur Oddur grafískur hönnuður og myndlistarmaður, Marteinn Viggóson prentmiðlari, Birgir Jóakimsson grafískur hönnuður, Miles Henderson myndlistarmaður, Birgir Ómarsson grafískur hönnuður, Halldór Baldursson teiknari, Sigríður Ólafsdóttir myndlistarmaður,Vigdís Arna Jónsdóttir nemi og athafnakona, Íris Pétursdóttir kokkur, Snorri Birgir Snorrason kokkur, Axel Hallkell leikmyndahöfundur, Ragnhildur Zoega verkefnastjóri, Guðrún Hálfdánardóttir blaðamaður, Páll Ólafsson hönnuður, Assa Þorvarðardóttir nemi, Berglind Rósa Birgisdóttir nemi, Hildur Zoega hönnuður, Kári Eyþórsson ráðgjafi, Þrúður Óskarsdóttir grafískur hönnuður, Björg Vilhjálmsdóttir hönnuður, Marta Luiza Macuga leikmyndahönnuður og Irja Gröndal nemi.
Í tengslum við stólasýninguna er fyrirhugaður súpugjörningur á Akureyrarvöku, laugardagskvöld kl.20.
Sýningin stendur aðeins yfir eina helgi og er DaLí Gallery því opið föstudag til sunnudags frá kl.14-17 og einnig laugardagskvöldið frá kl. 20-00 vegna menningarhátíðarinnar Akureyrarvöku.

Hildur Ásgeirsdóttir Jónsson

2007-07-25T07:08:00.000-06:00

Hildur Ásgeirsdóttir Jónsson opnar sýningu í DaLí Gallery laugardaginn 28. júlí kl.17.

Hildur sýnir teikningar og myndir ofnar úr silki þar sem hún fæst við mörk abstrakt og raunsæis og skapar þar áhugaverða spennu í verkum sinum.

Hildur er búsett í Cleveland, Ohio í Bandaríkjunum. En þar lauk hún BFA og MFA gráðu frá Kent State uneversity, útskrifaðist frá Cleveland Institute of Art og lauk arkitektúr námi frá Kent State University.

Sýning Hildar stendur til 12. ágúst.

Helgi Kristinsson sýnir ,,Sound Orb"

2007-07-10T12:52:00.000-06:00

Helgi Kistinsson opnar sýningu sína ,,Sound Orb" í DaLí Gallery laugardaginn 14. júlí kl. 17. Verk hans Sound Orb er innsetning og hljóðverk í viðkvæmum gifskúlum sem áhorfandi/hlustandi getur handfjatlað og lagt við hlustir hljóð hverrar kúlu fyrir sig. Listamaðurinn setur fram spurningar um rými og tilvist þess og skapar í leiðinni ákveðið andrúmsloft fyllt hljóðum. Sýningin stendur til 27.júlí.

Dagrún Matthíasdóttir sýnir ,,19"

2007-06-15T08:22:00.000-06:00

Dagrún Matthíasdóttir opnar myndlistasýninguna ,,19” þriðjudaginn 19. júní í DaLí Gallery á Akureyri, klukka 17 – 19.
Dagrún útskrifaðist frá Myndlistaskólanum á Akureyri vorið 2006 og er nemi í nútímafræði við Háskólann Akureyri.

,, Ég mátti til með að fara í bleika gírinn í tilefni dagsins. Myndirnar mínar eru sjálfsmyndir þar sem ég máta nokkrar staðalímyndir og spái í femínísk hugðarefni.” Sýningin stendur til 8. júlí.

Nelli og Tuomo gestir í KOM - INN

2007-06-15T08:09:00.000-06:00

Tuomo Nevalainen frá Eno í Finnlandi og Nelli Penna frá Lahti opna sýningu í KOM-INN sem nefnist ,,Take a Way" þriðjudaginn 19. júní kl. 17. Þar velta þau fyrir sér gildi lista og málverksins, verðgildi og sannleiksgildi og hvort listamaðurinn sjálfur eða verkið sjálft sé meira í hávegum haft.

Nelli og Tuomo eru nemar við listaskólann í Lahti í Finnlandi en komu hingað sem skiptinemar í vetur í Myndlistaskólann á Akureyri og dveljas hér í sumar.

Sigurlín M. Grétarsdóttir ,,Lína"

2007-05-14T13:27:00.001-06:00

Sigurlín M. Grétarsdóttir ,,Lína" opnar málverkasýningu í Dalí Gallery laugardaginn 19. maí milli klukkan 18 og 21. Lína útskrifast þessa sömu helgi frá Myndlistaskólanum á Akureyri og í tilefni þess sýnir hún olíumálverk sín af brasshljóðfærum sem sýna samhljóm og litatóna blásturshljóðfæranna. Útskriftarverkefni Línu er hins vegar sýnt á samsýningu útskriftanema í Myndlistaskólanum á Akureyri í kaupvangsstræti þessa sömu helgi.

Inga Björk Harðardóttir

2007-05-03T11:33:00.000-06:00

Inga Björk Harðardóttir opnar málverkasýningu þann 5. maí. Sýningin nefnist ,,Einhverskonar upphaf" og er fyrsta einkasýning Ingu Bjarkar. Inga Björk er gullsmiður að mennt og starfaði við gullsmíði í 17 ár eða þar til hún söðlaði um 2005 og skellti sér í Myndlistaskólann á Akureyri.
Málverkasýningin er tileinkuð pabba hennar.

Sigríður Ágústsdóttir

2007-03-30T13:53:00.000-06:00

Sigríður Ágústsdóttir sýnir handmótaða, reykbrennda vasa í DaLí gallerí. Sýningin verður opnuð á skírdag, fimmtudaginn 5.apríl kl. 17-20 og stendur til sunnudagsins 29. apríl.

Sigríður stundaði listnám í École d’Art et d’Architecture í Marseille í Frakklandi og í Cambridgeshire College of Art and Technology, Cambridge, Englandi á áttunda áratugnum. Sigríður hefur sýnt verk sín víða, hér heima og heiman, en sl. átta ár hefur hún verið búsett á Akureyri þar sem hún rekur vinnustofu í Listagilinu ásamt öðrum myndlistarmönnum og kennir jafnframt leirmótun í grunnskólum Akureyrar og á dagdeild FSA.

opið um páskana:

Skírdag 17-20

Laugardag 14-18

Annan í páskum 14-18

Margeir ,,Dire" Sigurðarson

2007-03-23T11:03:00.000-06:00

Margeir ,,Dire" opnar sýninguna “preshure”á morgun laugardaginn 24.mars klukkan 17 Í rýminu KOM-INN í DaLí Gallery.

Verk Margeirs ,,Preshure" fjallar um hömlur lífsins af öllu tagi. Klesstur uppvið glerið, fastur, horfir á lífið utan við. Svo nálægt en samt ekki. Alltaf eru að opnast nýjar dyr og ný tækifæri og glerið samt áfram til staðar.

Margeir er nemandi í Myndlistaskólanum á Akureyri og hefur einnig numið myndlist í Verkmenntaskólanum á Akureyri og í Lahti Insitute of Fine Arts í Finnlandi. Margeir hefur haldið einkasýningar á Akureyri og tekið þátt í samsýningum á Akureyri, í Finnlandi, Barcelona og New York.

Spessi ,,Location-Farms"

2007-02-27T06:14:00.000-07:00

Spessi opnar ljósmyndasýningu í DaLí gallery laugardaginn 3. mars klukkan 17-20. Sýning Spessa nefnist ,,Location-Farms" og eru þar ásamt öðrum, nokkrar myndir af bæjum úr Öxnadalnum.

Spessi er þekktur ljósmyndari bæði hér heima og erlendis, einkum fyrir portraitljósmyndir af fólki og stöðum. Hann á að baki fjölda ljósmyndasýninga og hafa ljósmyndir Spessa prýtt tímarit og blöð. Í ljósmyndum sínum fæst hann gjarnan við hversdagsleikann og sýnir okkur hlutina eins og þeir eru. Myndir hans segja sannarlega sína sögu.

Sýning Spessa stendur til 22. mars.

Linda Björk Óladóttir

2007-02-09T01:00:00.000-07:00

Linda Björk opnar málverkasýninguna ,,Kona" laugardaginn 10. febrúar klukkan 17. Linda Björk útskrifaðist úr Myndlistaskólanum á Akureyri vorið 2006 og er þetta fjórða einkasýning hennar að loknu námi. Sýningin stendur til 25. febrúar.

Þorsteinn Gíslason - Steini

2007-01-09T13:36:00.000-07:00

Steini opnar sýningu laugardaginn 13. janúar kl.17-20 og ber sýningin titilinn:
TO THINK
DO THINK
Sýningin stendur til 27.janúar og eru allir velkomnir.

Paula Tuulia Väinämö er gestur í KOM INN

2006-12-04T15:46:00.000-07:00

Paula Tuulia Väinämö er gestur í KOM INN á DaLí vinnustofu. Paula opnar sýningu á teikningum sínum föstudagskvöldið 8. desember kl.20. Paula kemur frá Turku í Finnlandi og dvelst hér sem skiptinemi í Myndlistaskólanum á Akureyri. Dúettinn Rock Bird leikur ljúfa tónlist af fingrum fram í tilefni opnunar Paulu.

Magdalena Margrét Kjartansdóttir

2006-11-26T15:20:00.000-07:00

Magdalena Margrét opnar sýningu á grafíkverkum sínum laugardaginn 2.desember kl. 17-20 í DaLí gallery. Grafíkmyndir hennar eru af kvenlíkömum, tré- og dúkristur þrykktar á japanpappír og er hugmyndin að baki myndefnisins persónuleg samsemd með líkömum stúlkubarna, fullþroska kvenna og hrörnandi gamalmenna.

Margrét I. Lindquist

2006-11-13T14:17:00.000-07:00

Laugardaginn þann 11. nóvember opnar Margrét I. Lindquist í DaLí og stendur sýningin til 25. nóvember. Margrét fjallar um hringformið í textílverkum og pappamósaík í málveki, sem ber heitið ,,Eilífð".

Jónas Viðar

2006-08-29T13:21:00.000-06:00

Jónas Viðar opnar sýninguna ,,Rauða serían" í DaLí gallery laugardaginn 2.september kl.17-20.
Sýning Jónasar Viðars stendur til 23. september.

Akureyrarvaka 26.ágúst og KOM INN

2006-08-25T07:31:00.000-06:00

DaLí gallery verður opið á Akureyrarvöku 14-18 og 20-00. Það er síðasti opnunardagur á sýningu bæjarlistamannsins Joris Rademaker. Við opnum KOM INN formlega á Akureyrarvökunni. KOM INN er lítið rými á vinnustofu DaLí þar sem myndlistamenn og aðrir flöllistamenn geta unnið í, í framtíðinni. Sjón er sögu ríkari.
Það verður kaffi á könnunni og allir ávallt velkomnir.
Við hlökkum til að sjá ykkur, Dagrún og Lína.

Joris Rademaker

2006-06-29T05:13:00.000-06:00

Joris Rademaker sýnir rýmisverk í DaLí gallery. Sýningin opnar 12. júlí kl. 17 og stendur til 26. ágúst eða fram yfir menningarvöku.

Sigurður Árni Sigurðsson opnar DaLí gallery

2006-06-26T06:41:00.000-06:00

Sigurður Árni Sigurðsson heldur fyrstu formlegu myndlistasýninguna í DaLí gallery. Sýning Sigurðar Árna er frá 16.júní og til 9.júlí 2006.